Մեր ծառայությունները
Մենք մեր բրդոտ հաճախորդներին և իրենց տերերին առաջարկում ենք հետևյալ ծառայությունները
Շների հյուրանոց
Նկարագիր
➣Գիշերակացի արժեքը 10.000 դրամ է և այն իր մեջ ներառում է՝
- ~100 քմ մաքուր բացօդյա տարածք
- քարանձավիկ
- մշտական մաքուր լվացած դոշակ
- շվաք
- ջրով հովացման համակարգ
- թարմ ջրի ապահովում առնվազն օրը 2 անգամ
- կերակրում առնվազն օրը 2 անգամ
- շաբաթական մաքրություն
- օրեկան առնվազն 20ր շփում խնամակալի հետ
- տեսախցիկով ցանկացած պահի շանը դիտելու հնարավորություն
- անհատական ընթացիկ և օրեկան ամփոփումներ շան մասին խնամակալի կողմից
12․ հավելյալ պրդուկտների ավելացման հնարավորություն․
֊օրախնամքի տարածքի օգտագործում, որտեղ առկա է լողավազան ֊ խմբակային
Օրախնամքի Ծառայություն
Նկարագիր
➣ Օրախնամքի վայրը իրենից ներկայացնում է հսկայական բացօդյա տարածք, որտեղ Ձեր շունիկները խնամակալի հսկողության ներքո կանցկացնեն իրենց օրը այլ շների հետ, որը շատ կարևոր է կենդանու ինետգրման և շփման կանոններին ճիշտ տիրապետելու համար։ Օրախնամքի տարածքը ունի նաև լողավազան որտեղ կենդանիները կարող են խաղալ և ամառվա շոգ օրերին զովանալ։
|
Շաբաթը 3 օր ամսեկան 80.000 դրամ |
|
Շաբաթը 5 օր ամսեկան 120.000 դրամ |
|
Շաբաթը 7 օր ամսեկան 200.000 դրամ |
|
Օրական 8.000 դրամ |
Հավելյալ Ծառայություններ
Գրումինգ
Մեզ մոտ մասնագետները խնամքով կլողացնեն, կսանրեն և կհարդարեն Ձեր շան մազածածկը, օգտագործելով բարձրորակ լոգանքի պարագաներ և տեխնիկա։ Այս ծառայությունը հասանելի է չափերով թե՛ փոքր, թե՛ մեծ շների համար։
Լողացում և սանրում
- մինչև 15 կգ շների համար - 15.000 դր
- 15-45 կգ շների համար - 20.000 դր
- 45֊ից ավել կգ շների համար - 38.000 դր
Վարժեցում
Եթե Ձեր շունը ունի վարքի խանգարման խնդիր, չի ենթարկվում հրամաններին կամ ունի վախեր և վստահության պակաս, ապա մեզ մոտ դուք կարող եք ձերբազատվել այդ խնդիրներից քանի որ մեր մասնագետները պրոֆեսիոնալ կերպով կօգնեն շանը հաղթահարել վախերը և կսովորեցնեն լինել կարգապահ։
Մեկ հրամանի լիարժեք տիրապետում - 25.000 դր
Զբոսանք
Անկախ օրախնամքի և հյուրանոցի տարածքի մեծությունից, կարևոր է շան համար շփում այլ շների հետ, քանի որ դա օգնում է շներին սոցիալիզացվել և ճիշտ դրսևորել իրենց նոր միջավայրում։ Այդ խնդրի կարևորությունից ելնելով մենք առաջարկում ենք զբոսանքի ծառայություներ մասնագետի հետ
45ր-1ժ զբոսանք - 4.000 դր
Խնամք և առողջություն
Մեր թիմում աշխատում է նաև կենդանաբույժ, այդ պատճառով մեզ մոտ առկա է կենդանաբուժական ծառայություններ։ Մեզ մոտ կատարվում են շների տարեկան պատվաստումներ, արտքաին և ներքին մակաբույծների պրոֆիլակտիկա և բուժում։
Մեզ մոտ իրականացվում են նաև վիրուսային և ինֆեկցիոն մի շարք հիվանդությունների թեստավորումներ։
Անհատական ինքնուրույն զբոսանք
Կենդանաբույժի արտաքին զննում - 5.000 դր
Պատվաստում
- Dhppi+Lepto+Rabies - 15.000 դր
- Dhppi+Lepto - 10.000 դր
Պրոֆիլակտիկ/պլանային բուժում
- արտաքին մակաբույծներից - 1 ամսյա - 5.000 դր
- արտաքին մակաբույծներից - 3 ամսյա - 20.000 դր
- ներքին մակաբույծներից - 5.000 դր
Լեյշմանիոզի թեստավորում - 15.000 դր
Դիրոֆիլարիոզի թեստավորում - 15.000 դր
Պարվովիրուսային էնտերիտ թեստավորում - 10.000 դր
Շների ժանտախտ թեստավորում - 10.000 դր
Վշտի Հաղթահարման Հոգեբանական Աջակցություն
Նկարագիր
➣Ցավոք բոլորս ստիպված ենք պարբերաբար առերեսվել մեր սիրելի և հավատարիմ բրդոտ ընկերոջ կորստի հետ։ «Ռանչո Սիրունիկը» տրամադրում է Նաև կենդանու կորստի վշտի հաղթահարման հոգեբանական աջակցություն։ Հոգեբանի մոտ մեկ այցելության արժեքն է 15.000 դրամ։
Հրաժեշտի, կորստի և վշտի հոգեբանական աջակցություն
Ձեռք բերելով շուն, մենք ակամա նրա փոքր տարիքից մինչև խոր ծերություն տեսնում ենք նրա առաջին քայլերը, առաջին գնդակի հետ խաղը, նրա մեկ տարեկանում հասուն շնային կյանք մտնելը և ցավոք կյանքի մի փուլում գալիս է նրանց հրաժեշտ տալու ժամանակը։ Համակերպվելով, որ ոչ ոք և ոչինչ հավերժ չէ, միևնույն է կորստի ցավն ուղեկցում է մեզ մեր կյանքի ընթացքում, և ծանրացնում մերհոգու քարը։ Այդ իսկ պատճառով հրաժեշտի և կորստի ու վշտի հաղթահարման ճանապարհին հոգեբանական աջակցությունը մերօրյա ժամանակներում կարևոր տեղ է զբաղեցնում։
Մենք կարևորում ենք մարդու և իր կենդանու միջև ձևավորված վստահելի և ապահով հարաբերությունները։ Երբեմն, տարբեր իրավիճակներով պայմանավորված մենք կարող ենք ունենալ մի շարք հոգեբանական խնդիրներ ու վախեր շներից, անգամ կարող է դիտվել շատ կարծր ու դիրքորոշված վերաբերմունք նրանց նկատմամբ։ Եվ գրեթե բոլորը կփաստեն, որ կյանքի վերջին փուլում կենդանուն հրաժեշտ տալն անչափ ցավոտ, իսկ երբեմն էլ դժվար հաղթահարելի է։
Մեր համալիրը հոգում է ինչպես շների խնամքի, գիշերակացի և մի շարք այլ կարևոր հարցեր, այնպես էլ կարևորում է մարդկանց հոգեբանական աջակցությունը կենդանու կյանքի դժվար փուլերում։ Այս և մի շարք այլ հարցերի հստակ պատասխանները կգտնեք մեզ մոտ, քանի որ մեր թիմում աշխատում է նաև հոգեբան՝ Սեդա Բաբայանը։
Սեդան սովորել է Երևանի Պետական Հենակետային Բժշկական Քոլեջում, ապա շարունակել ուսումը ԵՊՀ - Փիլիսոփայության և հոգեբանության ֆակուլտետի «Հոգեբանություն» բաժնում, և մասնագիտացել «Կլինիկական հոգեբանություն և հոգեթերապիա բաժնում»։ Այժմ շարունակում է կրթություն ստանալ Երևանի Գեշտալտ Ինստիտուտի «Գեշտալտ թերապիա» քառամյա թրեյնինգային ծրագրի շրջանակներում։
Սեդան աշխատել է մի շարք կազմակերպություններում և ծրագրերում ինչպիսիք են ՝ «Կանանց Ռեսուրսային Կենտրոն», «ՓԻՆՔ Արմենիա», «Հիլֆմանն» հոգեբանական ծառայությունների կենտրոն, «Hilfmann Rehab» պատերազմից տուժած անձանց հոգեբանական ծառայությունների ցանց, «Միասին» Արցախից տարհանված անձանց հոգեբանական աջակցման ծրագիր, «Հոգեբանական աջակցություն Արցախից տարհանված դեռահասներին և երիտասարդներին» ծրագիր, և այլն։
Այժմ իր աշխատանքային հետաքրքրությունների շրջանակում մեծ տեղ են զբաղեցնում խմբային աշխատանքները։ Սեդան իր մասնագիտական գործունեությունը սկսել է 2018 թվականից։
2019 թվականից մինչ այսօր Սեդան մասնագիտական անդամակցություն ունի «Հայկական Հոգեուռուցքաբանական ասոցիացիայում»։
Հոգեթերապիա
Հոգեթերապիայի հիմք է կազմում այցելուի և հոգեբանի միջև ձևավորվող և համաստեղծվող վստահելի և ապահով տարածքը, որտեղ այցելուն ստանում է հնարավորություն հանդիպելու և ճանաչելու իր ներքին մի շարք մոռացված, չգիտակցված կամ չկարևորված կողմերին, վերագտնելու և վերստեղծելու իր ռեսուրսների աղբյուրները։
Մեր համալիրն առաջարկում է հոգեբանական խորհրդատվությունների և հոգեթերապիայի ծառայություններ այնպիսի հայցերով, ինչպիսիք են՝
➢Վախ շներից
➢Նախկինում շան հետ ունեցած բացասական փորձ
➢Շանը հրաժեշտ տալու դժվարությունների ապրում
➢Շան մահով պայմանավորված բարդեցված վշտի ապրման աջակցում
Այցերն իրականացվում են շաբաթական մեկ անգամ, մեկ ժամ տևողությամբ։ Յուրաքանչյուր այցից առաջ մեր մասնագետը նախապես կապ է հաստատում այցելուի հետ։
Մեկ այցի արժեքն է՝ 15.000 դրամ։